Uşaqlarda müşahidə olunan stresslə mübarizənin bir neçə üsulu

Uşaqlarda müşahidə olunan stresslə mübarizənin bir neçə üsulu
FACEBOOK SƏHİFƏMİZİ BƏYƏNİN

Övladınız stresslə üzləşibsə valideyn olaraq siz mütləq səbəbi müəyyən etməli, stressin aradan qaldırılmasına səy göstərməli, daha ciddi hallarda is mütəxəssisə müraciət etməlisiniz. Əks halda  stress fəsadları ilə övladınızın inkişafına mənfi təsir edə bilər.

Uşalarda yaranan stressi aradan qaldırmaq üçün bir neçə mühüm addım atılmalıdır:

  • Övladınızda stressə səbəb olan hadisəni müəyyən etməyə çalışın. İlk növbədə səbəbi aradan qaldırın. Məsələn, ailə üzvləriniz arasında mübahisələr, yaxud digər problemlər varsa onu övladınızın iştirakı olmadan həll edin. Xoş hadisələr də bəzən övladınız üçün psixoloji sınağa çevrilə bilər. Məsələn, ailənizə yeni körpənin gəlişi övladınızda stress yaradıbsa, onda körpəyə qarşı sevgi yaratmağa, körpəyə qulluqda onun köməyindən istifadə etməyə çalışın;
  • Övladınızdan  diqqət və qayğınızı əsirgəməyin;
  • Onunla daha çox zaman keçirin. Onun əhvalını qaldırmağa, ətrafında xoş mühüt yaratmağa çalışın;
  • Övladınızla rollu oyunlar oynayın. Bu zaman siz onun  keçirdiyi hissləri fikrə çevirməsinə, sizinlə bölüşməsinə yardımçı olacaqsınız. Siz həmçinin lazımlı məlumatları bu vasitə ilə övladınıza çatdıra biləcəksiniz;
  • Övladınızın baxdığı televiziya verilişlərinə, filmlərə, cizgi filmlərinə və s. diqqət edin. Onu zorakılıq, yaşına uyğun olmayan səhnələr sərgiləyən TV proqramlardan çəkindirin;
  • Övladınızın normal yuxu rejimini, qidalanmasını, düzgün günlük cədvəlinin tənzimləyin;
  • Ehtiyac yaranarsa mütləq mütəxəssizə müraciət edin.

Bu gün sizə uşaq şıltaqlığı kimi görünən davranış daha ciddi problemlərin göstəricisi ola bilər. Belə hallar vaxtında doğru ünvanlanmadıqda gələcəkdə həm övladınız, həm də bütün ailəniz üçün dağıdıcı fəsadlara səbəb ola bilər.

Qeyd : Bu məlumat Məktəbəqədər (4 - 6) yaş,1-ci sinif,2-ci sinif,3-cü sinif,4-cü sinif üçün nəzərdə tutulub.

07.12.2015

Məktəbəqədər (4 - 6) yaş,1-ci sinif,2-ci sinif,3-cü sinif,4-cü sinif Sağlamlıq

ŞƏRHLƏR