Bakının bəzi təhsil müəssisələində dərslərın vaxtında dəyişiklik edilib
Yeni tədris ilinin başlanması ilə əlaqədar Nazirlər Kabinetinin Yol Hərəkəti Təhlükəsizliyi Komissiyasının 23 iyul 2015-ci il tarixli "Bakı şəhərində nəqliyyatın hərəkətinin təkmilləşdirilməsi üzrə əlavə tədbirlər haqqında" qərarına əsasən Bakının mərkəzində yerləşən ali təhsil müəssisələri üçün iş qrafiklərində dəyişikliklər edilib.
APA-nın məlumatına görə, Azərbaycan Texniki Universitetində yeni tədris ilində dərslər öncəki tədris illərində olduğundan fərqli olaraq 8:30-da deyil, saat 9:00-da başlayacaq.
Azərbaycan Dövlət İqtisad Universitetində də yeni iş qrafiki müəyyənləşib. Əgər öncəki tədris illərində bu təhsil müəssisəsində birinci növbə üçün dərslər saat 8:30, ikinci növbə üçün isə saat 13:45-də başlayırdısa, bu il birinci növbələr dərslərini saat 9:00 da, ikinci növbələr isə saat 14:00-da başlayacaq.
Bakının mərkəzində yerləşən orta məktəblərin iş qrafikində də dəyişikliklər gözlənilir. Bu məktəblərdən biri, “İçərişəhər” metrostansiyası yaxınlığında yerləşən 132 saylı orta məktəbdə tədris artıq saat 8:30-da deyil, saat 8:00-da başlanacaq.
ŞƏRHLƏR